eul' leup et l'quien

Un leup, sec come un clo, n'avot qu'eul' pieu et l'zoch'¹
Vu qu'les quiens des bergers protégeottent les moutons.
V'là qu'y n'n'in rinconte un qu'y'avot ein'biel' brioch'
Mais qu'y'artrouvot pus s'route pour rintrer à s'majon.
Eul' leup y s'met à s'pourléquer²
In pinsant qu'y pourrot l'minger
Ouais mais v'là, fallot batiller...
...Et y'étot point certain d'gaingner
Tel'mint qu'l'aut' y'étot malabar
Alors y li dit, l'air souquard³
Que ch'est point pou'l'vinter
Mais qu'ein' si biel' porette⁴
Cha vaudrot vraimint l'cop qu'in in parle dins l'vaclette⁵
"Ben, sijk te veux ête fras comme mi, qu'y li dit l'quien
T'as qu'à quitter tin bos, t'famile et tes copains
Qu'leur vint y groule toudis tel'mint qu'y crèftent d'faim.
Ches vrai cha, tous les jours quand y veul'tent minger
Pour rimplir leur gamelle y dottent batiller⁶
Allez, viens avec mi, te ne l'argret'ras point"
Eul leup y'étot curieux d'savoir euch' qu'y d'vrot faire
Pour êtes aussi bénache, et y d'mante quo au quien.
"Te fais point d'bile pour cha,y répond gros pépère
Quant' te verras des romanos ou des mendiants
Te leur courras aprés.Te vos ch'est presque rien'
Et si in puque te sais t'fair bien vir pa'l'patron
Te pouras t'régaler in léquant les bidons ;
Sans parler des chucates⁷ des oches et des caresses
Que te risque d'avoir aux gosses et à l'maîtresse."
In intindant tout cha eul' leup y s'met à braire.
Mais v'là t-y pas qu'y vot, autour du cou du quien
Ein' plach' sans poil. Alors y d'mant : Qu'est-ch' que tas ?
Rien
Commint cha rien ? Ben quo, cha n'est point ein affaire,
Ch'est l'indrot d'min coyer⁸ quant euj' sus attaché.
ATTACHE ? Mais alors, te peux point t'in aller,
Quand y'prind ein'invie d'faire un tour dins l'quartier?
Point toudis : mais te vos, j'min porte point pus mal.
EH, ben mi cha m'plait point, et malgré tes ripailles⁹
Tes caresses et tes chuques euj préfère vif' déhors.
Et là d'sus y s'met à queurir¹⁰
Y queure incor......

*************************************************************
1-os
2-pourlécher
3-sournois
4-gros ventre
5-ancien journal
6-se battre
7-sucreries
8-collier
9-bon repas,festin
10-courir